Welcome to Bibi Kaulan Ji Bhalai Kender Trust (Charitable)

ਹੜ੍ਹਾਂ ਤੋਂ ਪੀੜਤ ਇਲਾਕਿਆਂ ‘ਚ ਬੀਬੀ ਕੌਲਾਂ ਜੀ ਭਲਾਈ ਕੇਂਦਰ ਟਰੱਸਟ ਭਾਈ ਸਾਹਿਬ ਭਾਈ ਗੁਰਇਕਬਾਲ ਸਿੰਘ ਜੀ ਵੱਲੋਂ ਰਾਹਤ ਸਮੱਗਰੀ ਸੋਲਰ ਲਾਈਟਾਂ , ਮੱਛਰਦਾਨੀਆਂ, ਪਸ਼ੂਆਂ ਅਤੇ ਜਾਨਵਰਾਂ ਦੀ ਖੁਰਾਕ ਤੇ ਹੋਰ ਜ਼ਰੂਰੀ ਵਸਤੂਆਂ ਦੀ ਵੰਡ ਪੰਜਾਬ ਦੇ ਵੱਖ-ਵੱਖ ਇਲਾਕਿਆਂ ਚ ਭੇਜੀਆਂ ਗਈਆਂ ।

ਸਿੰਘ ਸਾਹਿਬ ਗਿਆਨੀ ਰਘਬੀਰ ਸਿੰਘ ਜੀ ਹੈਡ ਗ੍ਰੰਥੀ ਸ੍ਰੀ ਦਰਬਾਰ ਸਾਹਿਬ ਨੇ ਹੜ ਪੀੜਤਾਂ ਲਈ ਬੀਬੀ ਕੌਲਾਂ ਜੀ ਭਲਾਈ ਕੇਂਦਰ ਟਰੱਸਟ ਤੋਂ ਅਰਦਾਸ ਕਰਕੇ ਸਤਵੀਂ ਖੇਪ ਰਵਾਨਾ ਕੀਤੀ ਗਈ।

ਬੀਬੀ ਕੌਲਾਂ ਜੀ ਭਲਾਈ ਕੇਂਦਰ ਟਰੱਸਟ ਭਾਈ ਗੁਰਇਕਬਾਲ ਸਿੰਘ ਜੀ ਵੱਲੋਂ ਪੰਜਾਬ ਵਿੱਚ ਆਏ ਹੜਾ ਕਾਰਨ ਪਿੰਡਾ ਵਿੱਚ ਆਈਆਂ ਮੁਸੀਬਤਾਂ ਕਾਰਨ ਘਰਾ ਤੋਂ ਬੇਘਰ ਹੋਏ ਹੜ ਪੀੜਤਾਂ ਲਈ ਸੰਗਤਾਂ ਦੇ ਸਹਿਯੋਗ ਨਾਲ ਸਤਵੀਂ ਖੇਪ ਰਵਾਨਾ ਕੀਤੀ ਗਈ ।ਅੰਮ੍ਰਿਤਸਰ ਪੰਜਾਬ ਦੇ ਹੜ੍ਹ ਪੀੜਤ ਇਲਾਕਿਆਂ ਵਿੱਚ ਜਿੱਥੇ ਲੋਕ ਨਦੀਆਂ ਦੇ ਪਾਣੀਆਂ ਅਤੇ ਭਾਰੀ ਮੀਂਹ ਕਾਰਨ ਹੋਈ ਤਬਾਹੀ ਨਾਲ ਜੂਝ ਰਹੇ ਹਨ, ਉੱਥੇ ਹੀ ਰਾਤ ਨੂੰ ਬਿਜਲੀ ਨਾ ਹੋਣ ਕਰਕੇ ਹੋਰ ਵਧੇਰੇ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ । ਇਨ੍ਹਾਂ ਹਾਲਾਤਾਂ ਵਿਚ ਬੀਬੀ ਕੌਲਾਂ ਭਲਾਈ ਕੇਂਦਰ ਟਰੱਸਟ ਵੱਲੋਂ ਭਾਈ ਗੁਰਇਕਬਾਲ ਸਿੰਘ ਜੀ ਦੀ ਅਗਵਾਈ ਹੇਠ ਹੜ੍ਹ ਪੀੜਤ ਇਲਾਕਿਆਂ ਵਿੱਚ ਰਾਹਤ ਸਮੱਗਰੀ ਭੇਜੀ ਗਈ ।

ਇਸ ਵਾਰੀ ਜੋ ਰਾਹਤ ਸਮੱਗਰੀ ਭੇਜੀ ਗਈ ਹੈ,ਉਸ ਵਿੱਚ ਸੋਲਰ ਲਾਈਟਾਂ ,ਡਾਈਪਰ,ਮੱਛਰਦਾਨੀਆਂ, ਰਾਸ਼ਨ, ਦੁੱਧ ਦੇ ਪੈਕੇਟ, ਅਚਾਰ, ਮਾਚਸ, ਅਗਰਬੱਤੀਆਂ, ਮੈਡੀਕਲ ਕਿੱਟ, ਮੱਛਰ ਵਾਲੀਆਂ ਦਵਾਈਆਂ, ਪਾਣੀ ਦੇ ਡਿਸਪੋਜਲ ਪੈਕ,ਅਤੇ ਪਸ਼ੂਆਂ ਲਈ ਚੋਕਰ ਵਰਗੀਆਂ ਅਨੇਕਾਂ ਜ਼ਰੂਰੀ ਵਸਤੂਆਂ ਸ਼ਾਮਿਲ ਹਨ। ਇਹ ਸਾਰੀ ਖੇਪ ਲਗਭਗ 300 ਬੋਰੀਆਂ ਅਤੇ ਦੋ ਟਰਾਲੀਆਂ ਦੇ ਰਾਹੀਂ ਰਵਾਨਾ ਕੀਤੀ ਗਈ । ਇਹ ਰਾਹਤ ਸਮੱਗਰੀ ਟੀਮਾਂ ਪੰਜਾਬ ਦੇ ਵੱਖ-ਵੱਖ ਇਲਾਕਿਆਂ ਚ ਭੇਜੀਆਂ ਗਈਆਂ ਹਨ। ਇਨ੍ਹਾਂ ਟੀਮਾਂ ਨੇ ਹੜ੍ਹ ਪੀੜਤ ਇਲਾਕਿਆਂ ਵਿੱਚ ਪਹੁੰਚ ਕੇ ਲੋਕਾਂ ਦੀ ਸੇਵਾ ਕਰਨੀ ਹੈ।

ਰਾਹਤ ਸਮੱਗਰੀ ਦੇ ਨਾਲ ਨਾਲ ਮੈਡੀਕਲ ਟੀਮਾਂ ਵੀ ਰਵਾਨਾ ਕੀਤੀਆਂ ਗਈਆਂ , ਜੋ ਪਾਣੀ ਤੋਂ ਪੈਦਾਂ ਹੋ ਰਹੀਆਂ ਬੀਮਾਰੀਆਂ ਜਿਵੇਂ ਕਿ ਚਮੜੀ ਦੇ ਰੋਗ, ਬੁਖਾਰ, ਅਤੇ ਡੈੰਗੂ ਆਦਿ ਤੋਂ ਲੋਕਾਂ ਦੀ ਸਿਹਤ ਦੀ ਦੇਖਭਾਲ ਕਰਨਗੀਆਂ। ਬੀਬੀ ਕੌਲਾਂ ਜੀ ਚੈਰੀਟੇਬਲ ਹਸਪਤਾਲ ਦੀ ਮੈਡੀਕਲ ਟੀਮ ਵੱਲੋਂ ਵਿਸ਼ੇਸ਼ ਤੌਰ ਤੇ ਤਿਆਰ ਕੀਤੀਆਂ ਮੈਡੀਸਨ ਕਿੱਟਾਂ ਵੀ ਵੰਡੀਆਂ ਜਾਣਗੀਆਂ।ਭਾਈ ਗੁਰਇਕਬਾਲ ਸਿੰਘ ਜੀ ਵੱਲੋਂ ਹੜ੍ਹ ਤੋਂ ਹੋਈ ਤਬਾਹੀ ਦੇ ਚਲਦੇ ਕਈ ਪਿੰਡਾਂ ਵਿੱਚ ਅਜੇ ਵੀ ਬਿਜਲੀ ਨਹੀਂ ਪਹੁੰਚੀ, ਜਿਸ ਕਰਕੇ ਲੋਕ ਰਾਤਾਂ ਨੂੰ ਹਨੇਰੇ ਵਿੱਚ ਗੁਜ਼ਾਰਣ ਲਈ ਮਜਬੂਰ ਹਨ।

ਉਨ੍ਹਾਂ ਦੀ ਮਦਦ ਲਈ ਜੋ ਕੁਝ ਵੀ ਕਰ ਸਕਦੇ ਹਾਂ, ਕਰ ਰਹੇ ਹਾਂ। ਇਹ ਸਾਰੀ ਰਾਹਤ ਸਮੱਗਰੀ ਅੱਜ ਹਰੀਕੇ, ਤਰਨ ਤਾਰਨ, ਫਿਰੋਜ਼ਪੁਰ, ਅਤੇ ਨਿਕਟਵਰਤੀ ਪਿੰਡਾਂ ਵੱਲ ਭੇਜੀ ਗਈ ।

Bibi Kaulan Ji Sangat Niwas (Sran)

ਧੰਨ ਧੰਨ ਸ੍ਰੀ ਗੁਰੂ ਰਾਮਦਾਸ ਜੀ ਦੇ ਦਰ ਦੇ ਦਰਸ਼ਨ-ਦੀਦਾਰੇ ਕਰਨ ਲਈ ਬਾਹਰੋਂ ਆਈਆਂ ਸੰਗਤਾਂ ਦੇ ਰਹਿਣ ਵਾਸਤੇ ਗੁਰੂ ਸਾਹਿਬ ਜੀ ਦੀ ਕਿਰਪਾ ਸਦਕਾ ਗੁਰਦੁਆਰਾ ਬਾਬਾ ਅਟੱਲ ਰਾਇ ਸਾਹਿਬ ਜੀ ਦੇ ਨਜ਼ਦੀਕ ਬੀਬੀ ਕੌਲਾਂ ਜੀ ਸੰਗਤ ਨਿਵਾਸ (ਸਰ੍ਹਾਂ) ਸਥਿਤ ਹੈ। ਜਿਸ ਵਿੱਚ 22 ਏ.ਸੀ ਕਮਰੇ 3 ਵੱਡੇ ਏ.ਸੀ ਹਾਲ ਹਨ । ਹਰ ਕਮਰੇ ਵਿੱਚ ਅਟੈਚਡ ਬਾਥਰੂਮ (ਸਰਦੀਆਂ ਵਿੱਚ ਗਰਮ ਪਾਣੀ ਦੀ ਸਹੂਲਤ) , ਡਬਲ ਬੈੱਡ, ਡਰੈਸਿੰਗ ਟੇਬਲ ਅਤੇ ਅਲਮਾਰੀ ਦੀ ਸਹੂਲਤ।

ਹਰ ਕਮਰੇ ਵਿੱਚ ਟੀ.ਵੀ. ਲੱਗੇ ਹਨ ਜਿਸ ਵਿੱਚ ਕੇਵਲ ਸ੍ਰੀ ਦਰਬਾਰ ਸਾਹਿਬ ਜੀ ਤੋਂ ਲਾਈਵ ਕੀਰਤਨ ਅਤੇ ਧਾਰਮਿਕ ਪ੍ਰੋਗਰਾਮ ਦੇਖਣ ਦੀ ਸਹੂਲਤ ਹੈ । ਹਰ ਕਮਰੇ ਵਿੱਚ ਇੰਟਰਕੋਮ ਟੈਲੀਫੋਨ ਦੀ ਸਹੂਲਤ ਹੈ। ਹਰ ਮੰਜ਼ਿਲ ਤੇ ਫਿਲਟਰ ਵਾਲੇ ਪਾਣੀ ਦੀ ਸਹੂਲਤ ਹੈ ।ਲਿਫਟ ਦੀ ਸਹੂਲਤ, ਫ੍ਰੀ ਜੋੜੇ ਪਾਲਿਸ਼ ਕਰਨ ਦੀ ਸੁਵਿਧਾ, ਸਾਫ ਸੁਥਰੀ ਕੰਟੀਨ (ਨੌਰਮਲ ਰੇਟ ‘ਤੇ) ਕਮਰੇ ਵਿੱਚ ਹੀ ਸਰਵਿਸ ਦਿੱਤੀ ਜਾਂਦੀ ਹੈ ।

ਕਿਸੇ ਵੀ ਜਗ੍ਹਾ ਤੋਂ ਕੋਈ ਵੀ ਵਿਆਕਤੀ 098765-25811 ਤੇ ਫੋਨ ਕਰ ਕੇ ਵੀ ਕਮਰਾ ਬੁੱਕ ਕਰਵਾ ਸਕਦਾ ਹੈ । ਸਭ ਤੋਂ ਵੱਡੀ ਗੱਲ ਇਹ ਹੈ ਕਿ ਇਸ ਸੰਗਤ ਨਿਵਾਸ ਵਿੱਚ ਉੱਪਰ ਲਿਖੀਆਂ ਗਈਆਂ ਸਾਰੀਆਂ ਸਹੂਲਤਾਂ ਹਨ ਪਰ ਕੋਈ ਬਿਜ਼ਨਸ ਨਹੀਂ ਹੈ ਸਿਰਫ ਇੱਕ ਚਾਉ ਹੈ ਕਿ ਸੰਗਤਾਂ ਧੰਨ ਸ੍ਰੀ ਗੁਰੂ ਰਾਮਦਾਸ ਜੀ ਦੇ ਦਰ ‘ਤੇ ਆ ਕੇ ਗੁਰਬਾਣੀ ਰਸ ਲੈਣ ਅਤੇ ਉਨ੍ਹਾਂ ਦੀ ਸੇਵਾ ਸੰਸਥਾ ਕੋਲੋਂ ਹੋ ਸਕੇ ।

Bibi kaulan ji Asees Sangat Niwas Sran

ਧੰਨ ਧੰਨ ਸ੍ਰੀ ਗੁਰੂ ਰਾਮਦਾਸ ਜੀ ਦੀ ਅਪਾਰ ਕਿਰਪਾ ਸਦਕਾ ਛੇਵੇਂ ਪਾਤਸ਼ਾਹ ਧੰਨ ਸ੍ਰੀ ਗੁਰੂ ਹਰਗੋਬਿੰਦ ਸਾਹਿਬ ਜੀ ਦੇ ਅਨਿਨ ਭਗਤ ਧੰਨ ਧੰਨ ਬੀਬੀ ਕੌਲਾਂ ਜੀ ਦੇ ਨਾਮ ਹੇਠ ਚੱਲ ਰਹੀ ਸੰਸਥਾ ਬੀਬੀ ਕੌਲਾਂ ਜੀ ਭਲਾਈ ਕੇਂਦਰ, ਭਾਈ ਸਾਹਿਬ ਭਾਈ ਗੁਰਇਕਬਾਲ ਸਿੰਘ ਜੀ ਵੱਲੋਂ ਚੌਥੀ ਸਰ੍ਹਾਂ ਬੀਬੀ ਕੋਲਾ ਜੀ ਅਸੀਸ ਸੰਗਤ ਨਿਵਾਸ ਚੌਂਕ ਬਾਬਾ ਸਾਹਿਬ ਸ੍ਰੀ ਅੰਮ੍ਰਿਤਸਰ ਵਿਖੇ ਸਤਿਗੁਰੂ ਜੀ ਤਰਸ ਕਰਕੇ ਸੇਵਾ ਲੈ ਰਹੇ ਹਨ ਜਿਸ ਵਿੱਚ ਸੰਗਤਾਂ ਦੀ ਸੇਵਾ ਵਾਸਤੇ 13 ਕਮਰੇ ਫੁੱਲੀ ਏਸੀ ਅਟੈਚ ਬਾਥਰੂਮ ਮੁਹਈਆ ਕਰਵਾਏ ਗਏ ਹਨ ਸੰਗਤਾਂ ਦੀ ਸਹੂਲਤ ਵਾਸਤੇ ਹਰ ਕਮਰੇ ਵਿੱਚ ਫਰਿਜ ਐਲਈਡੀ ਅਤੇ ਗਰਮ ਪਾਣੀ ਦੀ ਵਿਵਸਥਾ ਵੀ ਮੁਹਈਆ ਕਰਵਾਈ ਗਈ ਹੈ ਕਮਰਿਆਂ ਵਿੱਚ ਆਣ ਜਾਣ ਵਾਸਤੇ ਲਿਫਟ ਦੀ ਸਹੂਲਤ ਵੀ ਦਿੱਤੀ ਗਈ ਹੈ।

ਇਹਨਾਂ ਕਮਰਿਆਂ ਦੇ ਨਾਲ ਇਸੇ ਸਰਾਂ ਦੇ ਵਿੱਚ ਧੰਨ ਧੰਨ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦਾ ਬਹੁਤ ਹੀ ਸੁੰਦਰ ਪ੍ਰਕਾਸ਼ ਅਸਥਾਨ ਬਣਾਇਆ ਗਿਆ ਹੈ ਜਿੱਥੇ ਸੰਗਤਾਂ ਬੈਠ ਕਰਕੇ ਨਿਤਨੇਮ- ਨਾਮ ਅਭਿਆਸ ਦੀ ਹਾਜ਼ਰੀ ਲਗਾ ਸਕਦੀਆਂ ਹਨ ਇਸ ਦੇ ਨਾਲ ਹੀ ਇਸੇ ਜਗਹਾ ਤੇ ਬੀਬੀ ਕੌਲਾਂ ਜੀ ਗੁਰਮਤਿ ਸੰਗੀਤ ਅਕੈਡਮੀ ਵੀ ਚੱਲ ਰਹੀ ਹੈ ਜਿੱਥੇ ਹਰ ਉਮਰ ਦੇ ਸਿੱਖਿਆਰਥੀ/ਬੱਚੇ ਆ ਕਰਕੇ ਕੀਰਤਨ ਤਬਲਾ ਗਤਕਾ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਸੰਥਿਆ ਗੁਰ ਇਤਿਹਾਸ ਦੀ ਕਥਾ ਦਸਤਾਰ ਅਤੇ ਦੁਮਾਲਾ ਸਿਖਲਾਈ ਪ੍ਰਾਪਤ ਕਰਦੇ ਹਨ ਇਹਨਾਂ ਬੱਚਿਆਂ ਦੀ ਹੌਸਲਾ ਅਫਜ਼ਾਈ ਵਾਸਤੇ ਹਰ ਮਹੀਨੇ ਇੱਥੇ ਸਤਿਸੰਗਤ ਦੇ ਰੂਪ ਵਿੱਚ ਸਮਾਗਮ ਕਰਾਇਆ ਜਾਂਦਾ ਹੈ ਜਿੱਥੇ ਬੱਚੇ ਆਪ ਹਾਜ਼ਰੀ ਭਰਦੇ ਹਨ ਹਾਜ਼ਰੀ ਭਰਨ ਵਾਲੇ ਬੱਚਿਆਂ ਨੂੰ ਵਿਸ਼ੇਸ਼ ਸਤਿਕਾਰ ਦੇ ਕਰਕੇ ਸਨਮਾਨਿਤ ਕੀਤਾ ਜਾਂਦਾ ਹੈ।